Punjabi Essay, Lekh on Natkhat Chuha “ਨਟਖਟ ਚੂਹਾ” for Class 8, 9, 10, 11 and 12 Students Examination in 160 Words.

ਨਟਖਟ ਚੂਹਾ (Natkhat Chuha)

ਮੈਂ ਇੱਕ ਚੁਸਤ, ਬੁੱਧੀਮਾਨ ਚੂਹਾ ਹਾਂ। ਮੈਂ ਘਰ ਦੇ ਪਿੱਛੇ ਸੌਂਦਾ ਹਾਂ। ਮੌਕਾ ਮਿਲਦਿਆਂ ਹੀ ਮੈਂ ਘਰ ਵਿਚ ਵੜ ਜਾਂਦਾ ਹਾਂ। ਮੈਂ ਆਪਣੀ ਪੂਛ ਹੇਠਾਂ ਕਰਕੇ ਇੱਕ ਕੋਨੇ ਵਿੱਚ ਬੈਠਦਾ ਹਾਂ ਅਤੇ ਆਪਣੀਆਂ ਤਿੱਖੀਆਂ ਅੱਖਾਂ ਨਾਲ ਜਾਣ ਜਾਂਦਾ ਹਾਂ ਕਿ ਰਸਤਾ ਸਾਫ਼ ਹੈ। ਮੈਂ ਐਨਾ ਛੋਟਾ ਹਾਂ ਕਿ ਕਈ ਵਾਰ ਤੁਹਾਡੇ ਪੈਰਾਂ ਹੇਠੋਂ ਖਿਸਕ ਜਾਂਦਾ ਹਾਂ ਤੇ ਤੁਹਾਨੂੰ ਅਹਿਸਾਸ ਵੀ ਨਹੀਂ ਹੁੰਦਾ। ਮੈਨੂੰ ਖੁੱਲ੍ਹੇ ਪਏ ਹੋਏ ਫਲ, ਅਨਾਜ, ਮੂੰਗਫਲੀ, ਚਾਕਲੇਟ, ਬਿਸਕੁਟ ਆਦਿ ਖਾਣ ਦਾ ਮਜ਼ਾ ਆਉਂਦਾ ਹੈ। ਜੇ ਮੈਨੂੰ ਕੁਝ ਨਹੀਂ ਮਿਲਦਾ, ਤਾਂ ਮੈਂ ਕੱਪੜਿਆਂ ਦੀ ਅਲਮਾਰੀ ਵਿੱਚ ਜਾਂਦਾ ਹਾਂ ਅਤੇ ਸਾਰੇ ਕੱਪੜੇ ਕੁਤਰ ਦਿੰਦਾ ਹਾਂ। ਮੈਂ ਸੁੱਤੇ ਬੱਚਿਆਂ ਨੂੰ ਕੱਟਣ ਦਾ ਅਨੰਦ ਲੈਂਦਾ ਹਾਂ। ਇਸੇ ਲਈ ਮਾਂ ਹਮੇਸ਼ਾ ਪਿੰਜਰਾ ਲਗਾ ਕੇ ਰੱਖਦੀ ਹੈ। ਭਾਵੇਂ ਮੈਂ ਬਹੁਤ ਚਲਾਕ ਹਾਂ, ਪਰ ਜਦੋਂ ਪਿੰਜਰੇ ਵਿੱਚ ਰੋਟੀ ਹੁੰਦੀ ਹੈ, ਮੈਂ ਆਪਣੇ ਆਪ ਨੂੰ ਰੋਕ ਨਹੀਂ ਸਕਦਾ। ਇੱਕ ਵਾਰ ਜੋ ਮੈਂ ਫਸਦਾ ਹਾਂ, ਤਾਂ ਮਾਂ ਮੈਨੂੰ ਬਿੱਲੀ ਨੂੰ ਦੇ ਦਿੰਦੀ ਹੈ। ਪਰ ਮੈਂ ਆਪਣੀ ਚੁਸਤੀ ਨਾਲ ਬਿੱਲੀ ਨੂੰ ਚਕਮਾ ਦੇ ਕੇ ਮੁੜ ਭੱਜ ਜਾਂਦਾ ਹਾਂ।